Leire Muguerza Garate

Leire Muguerza Garate Mondragon Korporazioaren Kongresuko eta Batzorde Iraunkorreko presidentea da. Bere ibilbide profesionalean, Mondragon Korporazioaren hainbat kooperatibatan egin du lan. 1998an ekin zion bere ibilbide profesionalari, Mondragon EIKA S.Coop. industria-arloko enpresan. Bertan, hainbat erantzukizun izan zituen, eta Eika Taldeko Industria eta Sistemen zuzendaria izan zen, baita kooperatiba bereko Kontseilu Errektoreko lehendakaria ere. 2007an, Lea-Artibai Ikastetxeko irakaskuntza-kooperatibaren zuzendaritzan jarraitu zuen, Arrasateko jakintza-arloaren barruan. Gaur egun ere bertan dihardu, eta 2012az geroztik, bere eginkizunak Eroski S. Coop.eko Kontseilu Errektoreko lehendakaritzarekin bateratzen ditu. 2022ko urtarrilaz geroztik, gainera, Kongresuko eta Mondragon Korporazioaren Batzorde Iraunkorreko lehendakaria ere bada. Urte bereko maiatzean CEPESeko 4. lehendakariorde izendatu zuten, eta 2022ko azaroan, EGABeko kontseilari. Duela 20 urte baino gehiago, Eika kooperatiban hasi zenetetik, Euskara Batzordearen sorreran eta lehen pausuetan inplikazio zuzena izan du Muguerzak, bertako koordinatzaile gisa, baita une hartan Mondragon Korporazioan sortu zen mahai teknikoan eta Euskara Batzordean ere.