Jóhanna Vigdís Guðmundsdóttir

Jóhanna Vigdís Guðmundsdóttir-ek, Islandiako Hizkuntza Teknologien Zentroko (Almannarómur) zuzendari exekutiboa zela, 14 milioi euroko inbertsioa zuzendu zuen hizkuntza eta adimen artifizialaren teknologien arloan, 2018aren eta 2023aren artean. Aipatu zentroan, hainbat alorretako 60 aditu eta zientzialarik osatutako talde baten arduraduna izan zen eta, haiekin, islandierarako lengoaia?teknologiaren azpiegitura eraiki zuen erakundeak. Proiektuaren amaieran, Islandiako estatuaren eta Microsoften eta OpenAIren arteko lankidetza gidatu zuen. Horren ondorioz, islandiera izan zen, ingelesaz gain, GPT-4 lengoaia-eredu handian entrenatu zen hizkuntza bakarra eta, beraz, ChatGPT zerbitzuan erabil daiteke. Almannarómur zentroa zuzendu baino lehen, Jóhanna Reykjavikeko Unibertsitateko zuzendari exekutiboa izan zen, Reykjavikeko Arteen Jaialdia zuzendu zuen eta Straumur Investment Bank-eko inbertitzaileekiko harremanetako zuzendaria izan zen. Reykjavikeko Unibertsitateko MBA, Edinburgoko Unibertsitateko Kultura Ikasketen Maisutza eta Islandiako Unibertsitateko Literaturako Lizentzia ditu, eta Bartzelonako IESE Business School-eko Kudeaketa Aurreratuko Programa amaitu du. Adimen Artifizial Etikoko Talde Nordikoko kidea da, Ministroen Kontseilu Nordikoak izendatua, eta Save the Children Islandiako zuzendaritza-batzordeko presidentea; Islandiarako berrikuntza?politika integrala garatu zuen zuzendaritza-batzordeko kidea izan zen, Berrikuntza eta Industriako ministroak izendatua, 2018-2019an; Islandiako Banku Zentraleko zuzendaritza-batzordeko kide izan zen 2018tik 2022ra, bai eta Gizarte Erantzukizun Korporatiboko Zentroko (Festa) administrazio-kontseiluko kide ere, 2012tik 2014ra. Jóhanna Islandiako Parlamentuko ordezko kidea izan zen 2017tik 2020ra.